UZ

Сўнгги янгиликлар

11:04Боксчимизни Элистада нокаутга учратишди 0 10:43Miami Open. Қозоғистонлик теннис маликаси бу йил ҳам финалда ўйнайди 0 10:21Сабриэль Матиаснинг чемпионлик ҳимоя жанги расман тасдиқланди! Рақиб енгилмас боксчи! 0 10:00Италиялик жаҳон чемпиони Қозоғистонга келди 0 09:39Бугун Туркиядаги "Катта Дубулға"да 7 нафар дзюдочимизга мухлислик қиламиз 0 09:18Карлос Алькарасни Майамидаги "Мастерс"дан чиқариб юборишди 0 08:51Жорж Сен-Пьер фаолиятини якунлаш сабабини айтди 0 08:30Абдуқодир Ҳусанов "Лилль" билан ўйинни ўтказиб юборади 0 08:05Шоҳжаҳон Эргашев рақибини 1-раунддаёқ нокаутга учратди 1 20:46“Great Silk way-2024”. Боксчиларимиз турнирни умумжамоа ҳисобида биринчи ўринда якунлашди 0 19:50Дана Уайт Конор Макгрегорнинг камчилиги ҳақида гапирди 0 19:28Оливейра нима учун Царукян билан жангга рози бўлганини айтди 0 19:06Хавининг дисквалификацияси бўйича апелляция рад этилди 0 18:45Жаҳонгир Нажмиддиновнинг Анвар Азизли билан жанги бўйича берилган апеллация натижаси қандай бўлди? 0 18:23Новак Жокович грунт мавсумга тайёргарликни бошлади 0

04 дек 08:47
Янгиликлар

Бокс/ММА

Ҳасанбой Дўсматов: "Мақсадларим орасида энг каттаси - Париж Олимпиадаси!"

Хабарингиз бор, Тошкентдаги «Ҳумо Арена» муз саройида «Lift Promotion»нинг навбатдаги бокс кечаси бўлиб ўтди.

Ушбу оқшомга бир қатор таниқли боксчиларимиз ҳам ташриф буюришди. Олимпия ўйинлари чемпиони Ҳасанбой Дўсматов сайтимиз мухбири билан суҳбатда бир қатор саволларга жавоб берди. 

- Осиё чемпионатида олдимга қўйилган асосий мақсад Сакен Бибосиновдан реванш олиш эди. Сабаби, жаҳон чемпионатида ҳакамларнинг қарори адолатсиз бўлганди. Бунга ишонганлар ҳам, ишонмаганлар ҳам бўлди. Бу сафар эса ҳакамларга ҳам орқамиздан "гапирганлар"га ҳам ҳеч қандай имконият қолдирмадим. 

- Ҳаваскор боксда реванш олишингиз керак бўлган бошқа боксчи қолмадими?

- Амит бор. У билан ҳисоб-китобимиз 2:2. Тўғриси, Осиё чемпионатида уни кутгандим. Чемпионатга келганида яхши бўларди. Чунки ҳозирги спорт формам кундан-кунга тикланиб боряпти. Умид қиламанки, келаси йилнинг май ойида бўладиган жаҳон чемпионатига боради. У билан жанг қилиш ниятим бор. Бу гапларим унга етиб боради деб ўйлайман. Сабаби, унинг ҳам мухлислари кўп. 

- Тўлқин Қиличев сизнинг Париж Олимпиадасида қатнашишингиз ҳақида гапирди...

- Албатта, ҳозир мақсадларим орасида энг каттаси айнан - Париж Олимпиадаси. Рио Олимпиадасидан сўнг проф боксга ўтиб кетишим ҳам мумкин эди. Аммо иккинчи Олимпиадамда ҳам ютишни ўзимга мақсад қилиб қўйганман. Бунинг учун имконият бор. Ҳозир вазним ҳам тўғри келади. Токио Олимпиадасида иштирок этмаганимга айнан вазним тўсқинлик қилганди. 

- Проф боксдаги фаолиятингизни тўхтатиб турасизми?

- Профессионал боксдаги фаолиятим ҳам давом этади. Бир йилда иккита жанг ўтказиш эҳтимолим бор. 11 декабрда Дубайда жанг қилишим мумкин эди. Ҳозирда менга рақиб излашяпти. Агар рақиб топиладиган бўлса, жанг қилишим мумкин. Айни пайтда эса 7 декабрда бошланадиган Ўзбекистон чемпионатига тайёргарликни давом эттиряпман. 

Яна икки йил спорт формамни ушлаб туролишимга ишонаман", - дея суҳбатни якунлади Дўстматов.

Рейтинг: +1   

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг