Ҳибсга олинган Дастин Порье ёрдам сўради

Америкалик интернетда унинг ҳибсга олингани акс этган видео пайдо бўлганидан сўнг тегишли баёнот берди. Унда Дастин Атланта аэропортида маст ҳолда самолётга қўйилмагани учун полиция ходими билан муштлашишга урингани ва бу жараёнда электрошок билан "ўққа" тутилишига сал қолгани тасвирланган.

"Мен ёрдамга муҳтож бўлган пайтга келдим. Жангларни тарк этиш мен учун осон бўлмади, алкоголь ҳам ечим эмас. У отамнинг ҳаётини барбод қилди. Энди менинг ҳаётимни ҳам барбод қилишига йўл қўймайман. Менинг оилам улар билан 100 фоиз бирга бўлишга лойиқ. Фикрларимни тартибга солиш ва бундан кейин нима қилиш кераклиги ҳақида тўғри қарор қабул қилиш учун қўлимдан келганини амалга ошириш ҳаракатидаман", - деб ёзди "Бриллиант" ижтимоий тармоқдаги саҳифасида.

Эслатиб ўтамиз, якшанба куни кечқурун ўтган йилнинг ёзида фаолиятини якунлаган 37 ёшли Порье Жоржия штатининг Атланта шаҳрида ҳибсга олинганди. Кейин орада тўрт соат ўтганидан кейин озодликка чиққанди. Душанба куни эрталаб эса унга жазо тайинланиши керак бўлган суд олдида жавоб берди.