09 фев 13:25
Янгиликлар

Дзюдо

Ҳуррамов Париж турниридаги иштирокини якунлади

Париж шаҳрида ўтказилаётган "Катта Дубулға" туркумига кирувчи турнирнинг иккинчи кунги беллашувлари давом этмоқда.

Афсуски, -100 кг вазн тоифасидаги дзюдочимиз Муҳаммадкарим Ҳуррамов илк учрашувидаёқ мағлубият аламини тотиб кўрди. Ҳамюртимиз биринчи давра беллашувида россиялик Арман Адамянга ютқазиб қўйди ва мусобақадаги иштирокини якунлади.

Маълумот учун, Арман Адамян Минскда ўтган Европа ўйинлари ғолиби ҳисобланади. Ўтган йили Екатеринбург "Катта Дубулға" турнирида олтин, Абу-Даби "Катта Дубулға" мусобақасида бронза медалини қўлга киритган эди.