23 фев 15:28
Янгиликлар

Дзюдо

Ҳуррамов учинчи давра иштирокчисига айланди

-100 кг вазн тоифасидаги беллашувларда юртимиз шарафини ҳимоя қилаётган Муҳаммадкарим Ҳуррамов Дюссельдорф "Катта Дубулға" турнирининг учинчи даврасига йўл олди.

Ҳамюртимиз иккинчи даврала беллашувида латвиялик Евгениюс Бородавкони учта шидо баҳоси эвазига мағлуб этди. Ҳуррамов илк даврада франциялик Седрич Оливардан иппон, яъни соф ғалаба эвазига устун келган эди.

Энди Муҳаммадкарим Ҳуррамов чорак финал чиптаси учун мўғулистонлик Отгонбаатар Лхагвасуренга қарши татамига чиқади. Мўғул дзюдочиси иккинчи босқичда венгриялик Жомбор Вегни енгди.