15 май 12:17
Янгиликлар

Теннис

Ига Свёнтек Рим WTA 1000 турнирининг илк 1/2 финалчиси

Сайёрамизнинг биринчи ракеткаси Ига Свёнтек Римда давом этаётган нуфузли теннис турнирининг ярим финал иштирокчисига айланди.

Польшалик теннис маликаси 1/4 финалда WTA рейтингида 16-ўринни эгаллаб турган америкалик Мэдисон Кизга тўрттагина гейм берди - 6/1, 6/3. Теннисчиларнинг ўзаро учрашувларида Ига олдинда бормоқда - 4:1.

Етмиш етти дақиқа давом этган баҳсда Свёнтек 1, Киз 2 та эйс зарбасини амалга оширган. Қўшхатолар Мэдисонда кўпроқ бўлди - 3 га 1. Брейклар бўйича мутлақ устунлик Ига томонда - 4 га 0! Польшалик теннисчи фаолиятида 16-маротаба WTA 1000 турнири 1/2 финалида ўйнайди.