IJF дзюдо мусобақаларини сентябрдан бошлашга умид қилмоқда

Бу ҳақида ташкилот Халқаро федерацияга аъзо мамлакатларнинг ҳар бирига расмий нома жўнатган. 

“Қадрли, дзюдо оиласи, 

Биз дунё бўйлаб саломатлик ҳолати ва мамлакатларнинг COVID-19 пандемиясига қарши кураш бўйича олиб бораётган ишларини кузатиб бормоқдамиз. Баъзи мамлакатларнинг чегараларни очиш йўлидан бораётганидан мамнунмиз. Умид қиламизки, бу ҳолат бошқа минтақаларда ҳам кузатила бошлайди. 

Ҳозирги кунда Халқаро дзюдо федерацияси ташкилий қўмиталар билан билан дзюдо мусобақаларининг янги тақвими устида иш олиб бормоқда. Биз ўтказилиши тўхтаб қолган мусобақаларни Олимпия ўйинлари саралаш дастурида қатнашадиган спортчилар учун ҳам жуғрофий, ҳам муддатли жиҳатдан адолатли қилиб ташкил қилишга ҳаракат қиламиз. Бизнинг мақсадимиз дзюдо бўйича жаҳон турнералирини хавфсиз ва адолатли қилиб қайта бошлашдир. 

Ҳозирда IJF мусобақаларини сентябрь ойидан давом эттиришни режалаштирмоқда. Аммо бу коронавирус омиллари бизнинг ихтиёримизга боғлиқ эмас. Умид қиламизки, ушбу вирус ўша пайтда саломатлик ва иш шароитига таъсир қилмайди. Сизлар билан учрашувни интизорлик билан кутамиз ва барчангизга сиҳат-саломатлик тилаб қоламиз”, – дейилади ушбу номада.