IJF президенти 2022 йилги жаҳон чемпионати мезбонини эълон қилди

Бу маълумотни Халқаро дзюдо федерацияси (IJF) президенти Мариус Визер айнан Будапештда ўтказилган Гран-при турнири доирасида расман тасдиқлади. Будапешт учун бу мусобақа янгилик эмас. Венгрия пойтахти 2017 йилги жаҳон чемпионатига ҳам мезбонлик қилган эди. Ўшанда дунё биринчилиги László Papp Budapest Sports аренасида ўтказилган ва якунда дзюдо ватани ҳисобланган японияликлар умумжамоа ҳисобида 13 та медал билан биринчи ўринни эгаллашганди.  

Шунингдек, Будапештда 2004 йилда ёшлар, 2009 йили кадетлар ўртасидаги жаҳон чемпионати ҳам ташкил этилган эди. 

“Бу ерда, яъни дунёнинг дзюдо пойтахтларидан бирида бўлиб турганимдан хурсандман”. - деди Визер. Венгрия - 2017 йилги жаҳон чемпионати, ўсмирлар ва ёшлар ўтасидаги дунё биринчиликлари, нуфузли Гран-при турнирларини юқори савияда ўтказган. Мамнуният билан 2022 йилги жаҳон чемпионатининг ҳам Будапештда ўтказилишини эълон қиламан”.