IJF президенти дзюдо оиласига мурожаат йўллади

Ҳозир биз ҳаммамиз қийин ва мураккаб кунларни бошдан ўтказяпмиз. Кенг миқёсда тарқалиб бораётган коронавирус пандемияси сабаб кутилмаган ўзгаришлар билан тўқнаш келяпмиз. 

Шу ўринда катта дзюдо оиласининг ҳар бир аъзосига мана шундай таҳликали кунларда ўзимнинг илиқ саломим ва сўзларимни етказишдан бахтиёрман. Айни ҳолатда энг асосийси - соғлиқ! Қолган ҳаммаси топилади. 

Хабарингиз бор, Халқаро дзюдо федерацияси тақвимдаги 30 апрелгача бўлган барча мусобақаларни бекор қилганди. Бундан кўзланган мақсад - кенг дзюдо жамоатчилигининг хавфсизлигини таъминлаш, Олимпиада квалификацион турнирларида қатнашаётган спортчилар учун бир хил шароит яратиш, адолатли муносабатни йўлга қўйишдан иборат эди. Вазият ижобий томонга ўзгармагунига қадар кутишга мажбурмиз. 

Қадрли дўстлар, бундай қийин вазиятда бир-биримизни қўллаб-қувватлашимиз, асрашимиз ва бошқаларга дзюдо оиласининг бир вакили сифатида ўрнак бўлишимиз лозим. 

Сизларга ва курраи заминимизда яшаётган инсонларга сиҳат-саломатлик, хотиржамлик, кайфиятни туширмасликларини тилайман!

Ҳурмат билан Мариус Визер