04 апр 14:30
Янгиликлар

Дзюдо

IJF Туркия Гран-Приси олдидан ҳакамлар учун семинар ўтказди

2-3 апрель кунлари Анталия шаҳрида Туркия Гран-Присида ишлайдиган ҳакамлар учун семинар ўтказилди.

Унда дунёнинг бугунги кундаги кўзга кўринган халқаро ҳакамлари иштирок этди. Семинарни Халқаро дзюдо федерацияси (IJF) спорт директори ҳамда супервайзери Флориан Даниэль Ласкау, IJF ҳакамлар департаменти директори Ян Снейдер ҳамда IJF ҳакамлар қўмитаси бош котиби Чюрлия Паскуале олиб борди.

IJF кузатувчи реферилари ва шу билан бирга Олимпиада чемпионлари Кэтрин Флери ҳамда Жузеппе Маддалони ҳам бевосита татамида ташкил этилган амалий машғулотларда иштирок этишди.

Биз учун эътиборлиси, ҳамюртимиз Атланта-96 Олимпиадаси кумуш медали совриндори, ҳозирда IJF спорт директори лавозимида ишлаётган Армен Богдасаров ҳам икки кун давомида IJF томонидан ташкил этилган семинарда қатнашди ва ўзининг кўп йиллик тажрибасини ҳакамлар билан баҳам кўрди.