IJF`нинг Олимпиадагача тақвими: Тошкентда илк бор «Катта Дубулға» турнири, Будапештда жаҳон чемпионати

Эътиборга молик жиҳати, пойтахтимиз илк бор «Катта Дубулға» турнирига мезбонлик қилади. Шу пайтгача ҳар йили Тошкент шаҳрида Гран-при турнири ўтказиб келинаётган эди. Ўтган йили «Ҳумо Арена»да ушбу мусобақа муваффақиятли тарзда ўтказилгач, IJF Ўзбекистон учун «Катта Дубулға» турнирини тақдим этди. Мусобақа 5-7 март кунлари ўтказилади.  

Эслатиб ўтамиз, мавсумни 11-13 январь кунлари оралиғида ўтадиган Қатар «Мастерс» турнири бошлаб беради. 6-13 июнь кунлари эса Олимпиададан олдинги йилнинг энг нуфузли мусобақаси - Жаҳон чемпионати ўтказилади. Венгрия пойтахти Будапешт шаҳри яна бир бор катталар ўртасидаги дунё биринчилигига мезбонлик қилади.