Икки шахматчимиз Жаҳон чемпиони бўлди, яна иккиси вице-чемпион!

Мусобақа 8,10 ҳамда 12 ёшгача бўлган ўсмир ва қизлар ўртасида ташкил этилди. Жаҳон чемпионатида Севара Боймуродова бошчилигидаги жами 14 нафар ёш шахматчиларимиз юртимиз шарафини ҳимоя қилишди. Тезкор шахмат бўйича иккинчи ФИДЕ жаҳон чемпионати ёш ақл идрок соҳибларимиз учун омадли келди. 

Ҳамюртларимиздан 3 нафари жаҳон чемпионати якунида ғолиб ва совриндорлар сафидан жой олишди. Ҳумоюн Бекмуродов 8 ёшилар баҳсида, Умида Омонова 12 ёшли қизлар мусобақасида зафар қучиб, жаҳон чемпионига айланишди. 

ФИДЕ усталигига номзод Ҳумоюн кетма-кет 8та партияда ғалаба қозонди, сўнгги 9-турда дуранг қайд этиб, якунда 8,5 очко жамғаришга муваффақ бўлди. Россиялик Александр Усов 8 очко билан кумуш, яна бир рус шахматчиси Платон Краснопетов эса бронза медалига сазовор бўлди. 

Умида Омонова (1631) ҳам катта устунлик билан жаҳон чемпиони бўлди. Вакиламиз 6та ғалаба ва 3та дуранг натижа қайд этиб, 7,5 очко билан рапид йўналишида чемпионлик шохсупасига кўтарилди. Кучли учликдан 7тадан очко тўплаган россиялик шахматчи қизлар Вероника Шубенкова (1463) ва Мария Алексеенко (1589) якун ясашди. 

ФИДЕ усталигига номзод Афруза Ҳамдамова 10 ёшли шахматчилар мусобақасининг рапид йўналишида кумуш медални қўлга киритди. Олмос Раҳматуллаев эса 12 ёшли ўғил болалар турнирида жаҳон вице-чемпионига айланди.