Икрам Алискеровнинг навбатдаги рақиби ва жанг санаси маълум

Ўрта вазнли спортчи 1 февраль куни ташкил этиладиган UFC Fight Night турнири доирасида жанг қилади. Унга ўша куни бразилиялик Андре Муниз рақиблик қилади. Аслида, жангчилар шу йилнинг июнь ойиида учрашишлари лозим эди, аммо Мунизнинг жароҳати бунга тўсқинлик қилганди.

Маълумот учун, Алискеров ҳозирга қадар 17 та жанг ўтказиб, 15 ғалаба ва 2 та мағлубият қайд этган. У сўнгги жангида австралиялик Роберт Уиттакерга имкониятни бой берганди. Андре Муниз ҳисобида эса 24 ғалаба ва 6 мағлубият бор.