Икром Алибоевга Португалия клубидан қизиқиш бор

"Корея чемпионатида ўйнаётган дўстим Икром Алибоевга Португалия Примейра Лигаси вакили — "Эштрела" жамоасидан расмий таклиф келди.

"Эштрела" Алибоевга 1,5 йиллик шартнома таклиф қилмоқда. Трансфер амалга ошиши ёки ошмаслиги ҳақида ҳал қилувчи қарор эса Алибоевнинг ҳозирги жамоаси "Канвон"га боғлиқ.

Чунки кореяликликлар мураббийи Икромни жамоада олиб қолмоқчи. Икром Алибоевнинг "Канвон" билан тузган шартномасини узайтириш ҳуқуқи клуб ваколатига тегишли. Воқеалар ривожини энди кейинги босқичдаги музокаралар орқали кўрамиз", – дейилади хабарда.

Икром Алибоевнинг "Канвон" жамоаси чемпионат охирги турида "Сувон Блюуингс" билан рўбаро келиб, дурангга эришди (0:0). Шу тариқа "Канвон" 34 очко билан мавсумни 10-ўринда якунлади (12 жамоа ичида) ва энди плей-офф баҳсида К-Лига 2 вакили "Кимпхо Ситизен"га қарши 2 та ўйин ўтказади.