Иман Хелиф: "IBAнинг гендер тести бўйича ҳеч қандай ҳужжатини кўрмадим"

Жинси бўйича жуда кўп муҳокамаларга сабаб бўлаётган жазоирлик боксчи Халқаро бокс ассоциацияси (IBA) томонидан 2023 йилги жаҳон чемпионатидан четлатилган эди. 

"Мен ҳеч қачон бу ҳужжатларни кўрмаганман. Ҳа, аввал ҳам, кейин ҳам. Ўшанда менга бир варақ қоғоз бериб, имзо чекишимни айтишганди. Қоғозга мени жаҳон чемпионатидан четлатиш ёзилганди. Жуда аламли ҳолат бўлганди. Ахир ўшанда мен финалга йўл олган ва жаҳон чемпионатининг олтин медали ҳақида ўйлаётган эдим. Ҳақиқатан ҳам, мен бу нарсага ишонмагандим. Финал олдидан менга нисбатан қилинган адолатсизликдан кейин шокка тушиб қолган эдим. Кейинроқ менга тест натижаларини жўнатишди. Лекин унда ҳеч нарса исботи билан кўрсатилмаганди. Биз Жазоир бокс федерацияси билан апелляция бердик. Аммо IBAга ишонч йўқлигини тушуниб етдик", — деди Хелиф Rai каналига берган интервьюсида.

Аввалроқ, франциялик журналист Жаффар Айт Аудиа Хелифнинг гендер тести хулосаларини чоп этганди. Тиббий хулосалар жазоирлик боксчининг эркак эканлигини исботлаганди.