03 июн 14:06
Янгиликлар
Теннис
Исмоилов бугун финал чиптаси учун кортга чиқади
Наманган шаҳрида давом этаётган теннис бўйича “Фьючерс” туркумига кирувчи, соврин жамғармаси 25 минг АҚШ долларидан иборат бўлган Namangan International турнири ўзининг ҳал қилувчи палласига кирди.
Кеча ўтказилган чорак финал баҳсларидан сўнг бош мукофот учун кортга чиқадиган жуфтликлар маълум бўлди.
Турнирда иккинчи рақам остида ҳаракат қилаётган Темур Исмоилов чорак финал учрашувида россиялик Виталий Козюковни 7:6(2), 6:2 ҳисобида мағлуб этди. Бугун у финал остонасида яна бир россиялик ракетка устаси Маркос Каловелонисга қарши кортга чиқади.
Каловелонис турнирда тўртинчи рақам остида ҳаракат қилаётган бўлиб, чорак финалда ҳамюрти Евгений Карловскийни 7:6(6), 7:5 ҳисобида таслим этди. Саралаш баҳслари орқали асосий даврага етиб келган ҳамюртимиз Сергей Фомин эса чорак финалда турнирнинг саккизинчи ракеткаси индонезиялик Кристофер Рингкатга 2:6, 3:6 ҳисобида имкониятни бой берди.
Ҳавола :
Манба : olamsport.com
Фикрлар