Испания полицияси Надалнинг уйини ўмармоқчи бўлган жиноятчилар тўдасини қўлга олди

Қайд этилишича, полиция жиноятчиларни қўлга олиш чоғида улардан ўғирлаш мумкин бўлган уйлар рўйхати тузилган дафтарни тортиб олган. Рўйхатга Надалнинг Мальоркада жойлашган саройи ҳам киритилган. У ерда Надаль рафиқаси Мария Перелло билан яшайди.

Полиция жиноий гуруҳнинг етти нафар аъзосини қўлга олди. Уларнинг барчаси Албаниядан. Таъкидланишича, ушбу гуруҳ аввалроқ «ПСЖ» ярим ҳимоячиси Марко Верраттининг уйига кириб, у ердан катта миқдорда пул ўғирлаб кетишган. Полиция бу гуруҳ яна 15 та уйни ўғирлаган деб гумон қилмоқда.