01 мар 15:09
Янгиликлар

Теннис

Истоминни мағлуб этган Макдональд Нур-Султанни "забт" этди

Қозоғистоннинг Нур-Султан шаҳрида теннис бўйича "Челленжер" туркумига кирувчи турнир якунланди.

Мусобақа бош соврини америкалик Маккензи Макдональдга насиб этди. Дунёнинг 139-ракеткаси бўлиб турган Маккензи ҳал қилувчи финал учрашувида рейтингнинг 152-поғонасидан жой олган австриялик Юрий Родионовни осонлик билан мағлуб этди - 6/1, 6/2.

Тўрт дақиқаси кам бир соат давом этган баҳсда Маккензи 7 та эйс зарбани амалга оширди. Юрийда бу кўрсаткич нол кўринишда бўлди. Нур-Султандаги муваффақиятли иштирок Макдональдга 14,400 доллар мукофот пули ҳамда 100 рейтинг очкосини тақдим этди. Родионов эса бу мусобақадан $8,480 ва 60 очко ишлаб олди.

Эслатиб ўтамиз, Маккензи Макдональд иккинчи давра учрашувида ҳамюртимиз Денис Истоминни мағлубиятга учратган эди.