ITF M15 Tashkent. Истоминдан ташқари қолган теннисчиларимизда кутилган натижа

Мусобақанинг яккалик дастури асосий тўрида тўрт нафар теннисчимиз иштирок этди. Дастлаб, Амир Милушев 1/16 финал босқичида россиялик Александр Биндага имкониятни бой берди (2/6, 2/6).

Илк даврадаги ўзбек дербисида Раҳимбек Каримовни мағлуб этган Максим Шин нимчорак финал босқичида чехиялик Даниил Палан олдида ожиз қолди - 3/6, 2/6. Дамир Абдусамадов ҳиндистонлик Сидҳарт Раватга қарши кортга чиқиб, мағлубиятга учради.

Мусобақанинг жуфтлик дастурида эса теннисимиз афсонаси Денис Истомин ўзининг доимий шериги, нейтрал мақомдаги Евгений Карловский билан муваффақиятли иштирок этмоқда. Улар 1/8 финалда ҳамюртларимиз Дамир Абдусамадов ва Амир Милушев жуфтлигини, чорак финалда эса нейтрал мақомдаги теннисчилар — Александр Бинда ҳамда Иван Денисовдан устун келишди.

Турнирда ёш теннисчимиз Максим Шин япониялик Казума Кавачи билан жуфтликда қатнашаётган эди. Улар илк даврада эстониялик Кристиан Тамм ҳамда Зура Ткемеладзени мағлуб этган бўлса-да, чорак финалда ҳиндистонлик теннисчиларга мағлуб бўлишди. 

Шунингдек, жуфтлик дастурида иштирок этган Раҳимбек Ибрагимов ва Бобур Мадаминов ҳам чорак финалда таслим бўлди.