23 ноя 08:01
Янгиликлар

Шахмат

Жаҳон чемпионидан камбэк, бугун ҳал қилувчи тай-брек ўйналади

Россиянинг Ханти-Мансийск шаҳрида ўтказилаётган шахмат бўйича аёллар ўртасида нокаут тизимидаги жаҳон чемпионати ўз якуни сари яқинлашмоқда.

Жаҳон чемпионатининг соврин жамғармаси 450 000 АҚШ долларини ташкил қилади ва ғолиб шахматчи 60 000 долларга эга бўлади. Амалдаги жаҳон чемпиони хитойлик Жу Вен Жун россиялик Катерина Лагнога қарши кечаётган финал баҳсида ажойиб камбэкни амалга оширди.

Лагно тўртинчи партия олдидан 2:1 ҳисобида олдинда бораётган ва дуранг натижа ҳам унга жаҳон тожини тақдим этарди. Боз устига, у оқ доналарда ҳаракат қиларди. Лекин амалдаги жаҳон чемпиони осон таслим бўлмади. Аксинча, қора доналарда ҳаракат қилиб, ғалаба қозонишга муваффақ бўлди. Бу билан ҳисоб 2:2 кўринишга келди. Бугун ҳал қилувчи тай-брек ўйналади.