Жаҳон чемпионлари техноген фалокат оқибатларини бартараф этишда фаоллик кўрсатмоқда

Спортчилар ҳудудларда талофат кўрган аҳоли турар жойлари, ижтимоий соҳа объектлари ва йўлларни қайта тиклаш бўйича олиб борилаётган ишларда фаоллик кўрсатмоқда.

Жумладан, Сардоба туманида 45 нафар, Оқолтин туманида 40 нафар, Мирзаобод туманида 45 нафар ҳамда Гулистон шаҳрида жойлашган озиқ-овқат жамлаш омборида 20 нафар жами 150 нафар спорт соҳаси вакиллари хизмат қилишаяпти.

Мазкур ишларга спортчиларимиздан Универсал жанг бўйича 8 карра жаҳон чемпиони Алишер Абдуллаев, Баҳодирлар ўйини ва тош кўтариш бўйича Ўзбекистон терма жамоаси бош тренери Лочин Ҳусанов, Кикбоксинг бўйича бир қатор чемпионларни етиштирган машҳур тренер Абдулла Кучмуродов кабилар қаторида кўплаб машҳур спортчилар ва тренерлар ўз ҳиссаларини қўшишмоқда.

Жисмоний тарбия ва спорт вазирлиги Матбуот хизмати