16 ноя 08:44
Янгиликлар

Шахмат

Жаҳон тожи учун матч. Бешта партияда бешта дуранг!

Буюк Британиянинг Лондон шаҳри мезбонлик қилаётган шахмат бўйича жаҳон тожи учун чемпионлик матчи тобора ўзининг қизғин палласига кириб боряпти.

Унда амалдаги жаҳон чемпиони норвегиялик Магнус Карлсен (2835) ҳамда даъвогарлар турнири ғолиби америкалик Фабиано Каруана (2832) ўзаро тўқнаш келишмоқда. Дастлабки тўртта партияда томонлар муросага келишганди.

Кеча ўтказилган бешинчи турда ҳам кучлар тенг келди. Бу сафар Каруана оқ доналарда ҳаракат қилди. Лекин амалдаги жаҳон чемпионини мағлуб этишнинг уддасидан чиқа олмади. Бугун ўтказиладиган олтинчи партия олдидан ҳисоб 2,5:2,5 кўринишида бўлиб турибди.

Маълумот учун, шахматчилар ўзаро 12 партияда муносабатларига ойдинлик киритиб олишади. Агар ушбу партияларда ғолиб аниқланмаса, у ҳолда рапид, яъни тезкор шахмат бўйича қўшимча 4та партияга мурожаат қилинади.