Жаҳон тожи учун матч. Бугун жаҳон чемпиони аниқланиши мумкин

Унда амалдаги жаҳон чемпиони норвегиялик Магнус Карлсен (2835) ҳамда даъвогарлар турнири ғолиби америкалик Фабиано Каруана (2832) дунёнинг 2018 йилдаги энг кучли шахматчиси ким деган саволга ойдинлик киритишяпти. Шу кунгача ўн биттта партия ўйналган бўлса, ҳеч бирида ғалаба қайд этилмади. 

Бугун жаҳон чемпионатида сўнгги 12-партия ўйналади. Каруана бугун оқ доналарда ҳаракат қилади ва агарда ғалаба қозона олса, жаҳон чемпионига айланади. Ҳозирча ҳисоб 5,5:5,5 дуранг кўринишида бўлиб турибди. 

Маълумот учун, шахматчилар ўзаро 12 партияда муносабатларига ойдинлик киритиб олишади. Агар ушбу партияларда ғолиб аниқланмаса, у ҳолда рапид, яъни тезкор шахмат бўйича қўшимча 4та партияга мурожаат қилинади. Ана шу партиялар жаҳон тожи соҳибини аниқлаб беради.