29 ноя 08:43
Янгиликлар

Шахмат

Жаҳон тожи учун матч. Жаҳон чемпиони тай-брекда аниқланди ФОТО

Буюк Британиянинг Лондон шаҳри мезбонлик қилган шахмат бўйича жаҳон тожи учун чемпионлик матчи ўз якунига етди.

Унда амалдаги жаҳон чемпиони норвегиялик Магнус Карлсен (2835) ҳамда даъвогарлар турнири ғолиби америкалик Фабиано Каруана (2832) дунёнинг 2018 йилдаги энг кучли шахматчиси ким деган саволга ойдинлик киритишди.

Эътиборлиси, белгиланган ўн иккита партиянинг барчасида дуранг натижа қайд этилди ва ҳисоб 6:6 кўринишига келди. Мусобақа регламентига кўра, жаҳон чемпиони номини ҳал қилувчи тай-брек партиялари аниқлаб берди.

Тўртта партиядан иборат тай-брекда биринчи бўлиб 2,5 очко жамғарган шахматчи ғолибликни қўлга киритарди. Амалдаги жаҳон чемпиони кетма-кет учта партияда зафар қучиб, умумий ҳисобни 6:3га етказди ва ўз унвонини сақлаб қолди. Магнус Карлсен 2013 йилдан бери жаҳон тожини ҳеч кимга бермай келяпти.