Жаҳон тожи учун матч. Кетма-кет еттинчи партияда ҳам дуранг

Унда амалдаги жаҳон чемпиони норвегиялик Магнус Карлсен (2835) ҳамда даъвогарлар турнири ғолиби америкалик Фабиано Каруана (2832) ўзаро тўқнаш келишмоқда. Дастлабки олтита партияда томонлар муросага келишганди. 

Кеча ўтказилган еттинчи турда ҳам ғолиб аниқланмади. Бугун жаҳон чемпионатининг саккизинчи тур учрашуви ўтказилади. Бугунги партия олдидан ҳисоб 3,5:3,5 кўринишида бўлиб турибди. 

Маълумот учун, шахматчилар ўзаро 12 партияда муносабатларига ойдинлик киритиб олишади. Агар ушбу партияларда ғолиб аниқланмаса, у ҳолда рапид, яъни тезкор шахмат бўйича қўшимча 4та партияга мурожаат қилинади.