23 ноя 08:27
Янгиликлар
Жаҳон тожи учун матч. Муросаю мадора давом этади
Унда амалдаги жаҳон чемпиони норвегиялик Магнус Карлсен (2835) ҳамда даъвогарлар турнири ғолиби америкалик Фабиано Каруана (2832) ўзаро тўқнаш келишмоқда. Шу кунгача ўнта партия ўйналган бўлса, ҳеч бирида ғалаба қайд этилмади.
Кеча ўтказилган ўнинчи партияда ҳам томонлар муроса кўчасини танлашди. Қора доналарда ҳаракат қилган Карлсен дурангга розилик берди. Бугун жаҳон чемпионатида дам олиш куни. Эртага 11-партияда Магнус оқ доналарда ўйнайди. Ҳозирча ҳисоб 5:5 кўринишида бўлиб турибди.
Маълумот учун, шахматчилар ўзаро 12 партияда муносабатларига ойдинлик киритиб олишади. Агар ушбу партияларда ғолиб аниқланмаса, у ҳолда рапид, яъни тезкор шахмат бўйича қўшимча 4та партияга мурожаат қилинади.
Фикрлар