21 ноя 08:18
Янгиликлар

Шахмат

Жаҳон тожи учун матч. Саккизинчи партияда ҳам дуранг қайд этилди

Буюк Британиянинг Лондон шаҳри мезбонлик қилаётган шахмат бўйича жаҳон тожи учун чемпионлик матчи ўзининг қизғин палласига кирди.

Унда амалдаги жаҳон чемпиони норвегиялик Магнус Карлсен (2835) ҳамда даъвогарлар турнири ғолиби америкалик Фабиано Каруана (2832) ўзаро тўқнаш келишмоқда. Саккизинчи партияда томонлар муросага келишди.

Кеча жаҳон тожи учун матчда дам олиш куни эди. Бугун гроссмейстерлар тўққизинчи партияда муносабатларига ойдинлик киритиб олишади. Бугунги партия олдидан ҳисоб 4:4 кўринишида бўлиб турибди.

Маълумот учун, шахматчилар ўзаро 12 партияда муносабатларига ойдинлик киритиб олишади. Агар ушбу партияларда ғолиб аниқланмаса, у ҳолда рапид, яъни тезкор шахмат бўйича қўшимча 4та партияга мурожаат қилинади.