22 ноя 08:21
Янгиликлар

Шахмат

Жаҳон тожи учун матч. Тўққизинчи партияда ҳам дуранг

Буюк Британиянинг Лондон шаҳри мезбонлик қилаётган шахмат бўйича жаҳон тожи учун чемпионлик матчи ўзининг ҳал қилувчи палласига кирди.

Унда амалдаги жаҳон чемпиони норвегиялик Магнус Карлсен (2835) ҳамда даъвогарлар турнири ғолиби америкалик Фабиано Каруана (2832) ўзаро тўқнаш келишмоқда. Шу кунгача тўққизта партия ўйналган бўлса, ҳеч бирида ғалаба қайд этилмади.

Кеча ўтказилган ва 3 соату 27 дақиқа давом этган тўққизинчи партияда ҳам томонлар муроса кўчасини танлашди. Бугун жаҳон чемпионатининг 10-тур учрашуви ўтказилади ва унда Карлсен қора доналарда ҳаракат қилади. Бугунги партия олдидан ҳисоб 4,5:4,5 кўринишида бўлиб турибди.

Маълумот учун, шахматчилар ўзаро 12 партияда муносабатларига ойдинлик киритиб олишади. Агар ушбу партияларда ғолиб аниқланмаса, у ҳолда рапид, яъни тезкор шахмат бўйича қўшимча 4та партияга мурожаат қилинади.