Жасмине Паолини WTA 1000 турнири ғолибаси

Мусобақа бош соврини дунёнинг 40-ракеткаси бўлиб турган Жасмине Паолинига насиб этди. Италиялик теннисчи финал учрашувида дунёнинг 26-ракеткаси, россиялик Анна Калинскаяни иродали ғалаба эвазига мағлуб этди. - 4/6, 7/5, 7/5. Анна ҳал қилувчи учинчи сетда 5/3 ҳисобида олдинда бораётганди. Аммо устунликни ўзида ушлаб қололмади. 

Теннисчиларнинг ўзаро учрашувларида Жасмине ҳисобда олдинга чиқиб олди - 2:1. Паолини муваффақиятли иштирокидан 1000 рейтинг очкоси ҳамда 523,485 доллар мукофот пули ишлаб олди. У эртага эълон қилинадиган янги рейтингда Топ-20`да дебют қилади, аниқроғи дунёнинг 14-ракеткасига айланади. Калинская эса 680 очко ва 308,320 долларга эга бўлди. Анна рейтингда 24-поғонага кўтарилади.