Жастин Гэтжи: "Қайтаманми ёки йўқ, билмайман"

"Бу йил икки марта жанг қилдим. Тиззам қаттиқ лат еган, қўлим билан ҳамон нормал зарба бера олмаяпман, шунинг учун тикланишим керак. Бу йил бошқа жанг қилмаслигимни аниқ биламан.

Шунингдек, статистикага кўра бундай бўлмаслиги керак бўлса-да, ҳаётимдаги энг яхши жангимни ўтказганимни ҳам биламан. Менинг оилам бор. Мен ҳар доим ота-онам, акаларим, синглим ва мураббийларимга ишонганман ва вақти келганда улар билан маслаҳатлашишим кераклигини айтганман.

Мен уларга таянаман ва бу қарорни қабул қилишда менга ёрдам беришларига ишонаман. Ўйлайманки, бу жуда жиддий танлов. Шу билан бирга, ўзимга бизнес сифатида қарашим ва бунга мос равишда ёндашишим керак деб ҳисоблайман. Олдинда мени турли суҳбатлар кутиб турибди, келгуси ҳаётим қандай бўлишини тушуниб олишим керак. Ҳали ҳеч нарсани ҳал қилмадим. Қайтаманми ёки йўқ, билмайман", — деди Жастин Деметриус Жонсон билан суҳбатда.

Аввалроқ, дунёнинг энг кучли лигаси раҳбари Дана Уайт икки вазн тоифасида собиқ UFC чемпиони Илия Топуриянинг октагонга қайтишга тайёрлигини маълум қилганди. Дана "Эл Матадор" июнь ойида ундан чемпионлик камарини тортиб олган америкалик жангчига қарши зудлик билан реванш жанги ўтказиши мумкинлигини истисно этмаган эди.