Жисмоний тарбия ва спорт вазирлиги кубоги соҳиблари аниқланди

Янгидан барпо этилаётган кўплаб спорт иншоотлари замонавий жиҳозлар билан таъминланмоқда. Вилоят ёшлари нуфузли спорт мусобақаларида юртимиз шарафини муносиб ҳимоя қилиб, ғолиб ва совриндорлар қаторидан жой олиб келишмоқда.

Муҳтарам Президентимизнинг жорий йил 19 февраль куни Сирдарё вилоятига қилган ташрифи чоғида берган топшириқлари барчамизни, айниқса, Сирдарёликларни юрт учун фидойи ва масъулиятли бўлиб яшашга ундади.

Айниқса, вилоят ёшларини жисмоний тарбия ва спортга жалб этиш, мавжуд спорт иншоотлари қувватидан самарали фойдаланиш, чекка-чекка қишлоқлар ҳудудида ҳам замонавий спорт мажмуалари барпо этишни ташаббускор тадбиркорлар ҳамкорлигида амалга ошириш бўйича Сирдарё тажрибасини қўллаб-қувватланаётгани барчани руҳлантирмоқда.

Жорий йилнинг март ойида 14 ёшдан 30 ёшгача бўлган бандлиги таъминланмаган ёшлар ўртасида “Ўзбекистон Республикаси жисмоний тарбия ва спорт вазирлиги кубоги” спорт мусобақалари ўтказилди.Волейбол, гандбол, мини-футбол, шахмат, шашка, енгил атлетика, стол тенниси, бадминтон, сузиш ва веломарафон бўйича учта ёш тоифаси, яъни 14-15, 16-17, 18-30 ёшлилар ўртасида биринчи босқич туман (шаҳар)лар, иккинчи босқич туман (шаҳар)ларда ғолиб бўлган ёшлар ўртасида вилоят миқёсида кўтаринки руҳда ташкил этилди. Мусобақанинг туман (шаҳар)лар босқичида 11907 (3877 нафар қизлар) киши иштирок этди. Вилоят босқичида қатнашганлар сони 1917 (810 нафар қизлар) нафарни ташкил этди. Якунда учта ёш тоифасида умумжамоа ҳисобида ўринлар аниқланди.

 14-15 ёш, ўғил болалар:

1-ўрин - Гулистон тумани

2-ўрин - Сайхунобод тумани

3-ўрин - Мирзаобод тумани

14-15 ёш, қиз болалар:

1-ўрин - Сайхунобод тумани

2-ўрин - Гулистон тумани

3-ўрин - Мирзаобод тумани

16-17 ёш, ўғил болалар:

1-ўрин - Сайхунобод тумани

2-ўрин - Мирзаобод тумани

3-ўрин - Гулистон тумани

16-17 ёш, қиз болалар:

1-ўрин - Гулистон тумани

2-ўрин - Сайхунобод тумани

3-ўрин - Мирзаобод тумани

18-30 ёш, йигитлар:

1-ўрин - Сайхунобод тумани

2-ўрин - Гулистон тумани

3-ўрин - Сирдарё тумани

18-30 ёш, қизлар:

1-ўрин - Гулистон тумани

2-ўрин - Мирзаобод тумани

3-ўрин - Сайхунобод тумани

“Ўзбекистон Республикаси жисмоний тарбия ва спорт вазирлиги кубоги” спорт мусобақаларининг тақдирлаш маросими жорий йилнинг 3 апрель куни “Алпомиш” спорт мажмуасида бўлиб ўтди, тақдирлаш маросимида Жисмоний тарбия ва спорт вазири ўринбосари Ш.Мўминжонов, Сирдарё вилояти жисмоний тарбия ва спорт бошқармаси бошлиғи И.Ўроқов ғолибларга кубок, диплом, медал ва эсдалик совғаларини топширишди.