13 янв 08:02
Янгиликлар

Дзюдо

Жиззахда ҳакамлар учун семинар ўтказилди

Жиззах шаҳрида ушбу вилоят ҳакамлари учун Халқаро дзюдо федерацияси (IJF) томонидан эълон қилинган янги қоидалар бўйича семинар ташкил этилди.

Тадбирда бевосита қатнашган Ўзбекистон дзюдо федерацияси Ҳакамлар ҳайъати раиси Баҳодир Узакбергенов янги қоидалар юзасидан батафсил маълумот берди. Ҳакамлар ўзларини қизиқтирган саволларга атрофлича жавоб олишди.

Эслатиб ўтамиз, ушбу янги қоидалар 28-30 январь кунлари ўтказиладиган Португалия Гран-присидан кучга киради ва Париж-2024 Олимпиадаси якунига қадар амалда бўлади.