Жокович Париж "Мастерс" 1/2 финалида, у ноқулай рақибини енгди

Сербиялик теннисчи чорак финал баҳсида АTP рейтингида еттинчи поғонадан жой олган даниялик Хольгер Рунени уч сет натижасига кўра қийинчилик билан мағлубиятга учратди - 7/5, 6/7(3), 6/4. Новак теннисчиларнинг ўзаро учрашувларидаги ҳисоб мувозанатини тиклади - 2:2. 

Икки соату 49 дақиқа давом этган баҳсда Жокович 10, Руне эса 8 та эйс зарбасини амалга оширди. Қўшхатоларга 4 га 3, брейклар эса 3 га 1 кўринишида Новак фойдасига бўлди. Энди у финал чиптаси учун россиялик Андрей Рублёвга қарши кортга чиқади.