Жокович "Ролан Гаррос"да муваффақиятли старт олди

Сербиялик теннисчи Франция пойтахтида ўтказилаётган нуфузли турнирнинг биринчи даврасида рейтингнинг 66-поғонасидан жой олиб турган америкалик Теннис Сандгренга қарши кортга чиқди ва ортиқча қийинчиликсиз ғалаба қозонди - 6/2, 6/4, 6/2.

Новак 2 дақиқаси кам 2 соат давом этган учрашувида 4 та эйс, 5 та брейкни амалга оширди ва 2 та қўшхатога йўл қўйди. Сандгрен эса 5 та эйс зарбасини ижро этди. Теннисчиларнинг ўзаро учрашувларидаги ҳисоб йириклашди - 4:0. 

Энди Новак Жокович Франция Очиқ чемпионатининг иккинчи босқичида уругвайлик Пабло Куэвасга қарши кортга чиқади. Пабло биринчи даврада франциялик Люка Пуйедан 6/3, 6/1, 6/3 ҳисобларида устун келди.