Жон Жонс Россия фуқаролигини олиш эҳтимоли ҳақидаги саволга жавоб берди

— Жон, IBA билан ҳамкорлигингиз ва Россияга тез-тез ташриф буюраётганингизни ҳисобга олсак, Рой Жонс каби Россия фуқаролигини олиш ҳақида ўйлаб кўрганмисиз?

— Ҳозирча бу мени ҳавотирга солмаяпти. Одамлар доим: «Россияда хавфсизми?» деб сўрашади. Мен эса: «Дўстим, Россиядан хавфсизроқ жой йўқ», деб жавоб бераман.

Россия жуда катта мамлакат. Турли ҳудудлар, турли халқлар бор. Баъзан бир ҳудуд вакиллари бошқалар билан келиша олмайди. Шундай вазиятларда барчани бирлаштириш ва келиштириш жуда катта аҳамиятга эга. Бу жараённинг бир қисми бўлиш мен учун қизиқ.

Россиялик жангчиларнинг Америкага келиб, ўз эҳтироси ва маҳоратини намойиш қилиши менга ёқади. Америка мухлислари ҳам улар нималарга қодир эканини кўриш имкониятига эга бўляпти", — деди Жонс Ring Magazine YouTube каналига берган интервьюсида.