Жорж Сен-Пьер қайтмоқда. У Fight Pass Invitational 6 турнирида иштирок этади

Жорж Бразилия жиу-житсу мусобақасида иштирок этади.

"Қайтганимдан жуда хурсандман!

Фаолиятимни тугатгач, машғулотларни давом эттирдим. Лекин, менга бошқа нарса керак эди. Мен рақобат қилишни яхши кўраман, адреналинни ҳис қилишни хоҳлайман.

Бундай турнирлар ёши каттароқ жангчиларнинг карьераларини давом эттириш учун ажойиб имкониятдир. Шунда улар пул ишлашда давом этади ва мухлислар билан дам олиш имкониятига эга бўлади", - деди Сен-Пьер турнирга бағишланган матбуот анжуманида.

Турнир Лас-Вегасда бўлиб ўтади ва фақат Fight Pass платформасида трансляция қилинади. Жоржнинг рақиби ҳозирча маълум қилингани йўқ.