Жулианна Пенья ва Аманда Нуньес "Тhе Ultimate Fighter"да жамоаларга мураббийлик қилади

BJ Penn портали хабарига кўра, ТUF 30ни суратга олиш февраль ойининг ўрталарида бошланади.

“Мен биринчи бўлиб (аёллар ўртасида) "Тhe Ultimate Fighter" ғолибаси бўлдим. Мен бутун мавсум давомида ғалаба қозондим. Энди мен бу ёш жангчиларга ёрдам бераман. Келгуси мавсумда "Тhе Ultimate Fighter" шоусида мураббий бўламан. Аманда мен билан машғулот ўтказади. Бунда Аманда билан менинг алоҳида жамоамиз бўлади. Аманда жамоасига қарши менинг жамоам бўлади, кейин эса мавсум охирида биз реванш жангини ўтказамиз", - деди UFCнинг енгил вазн тоифасидаги амалдаги чемпиони Пенья.

ТUF 30 мусобақасида аёллар ва эркаклар ўртасида оғир вазн тоифаларида жангчилар иштирок этади, Пенья ва Нуньес ҳар бир вазн тоифасида тўрттадан жангчини тайёрлашади. Мавсум иштирокчилари таркиби ҳозирча ошкор этилмаган. Мавсум охирида Нуньес ва Пенья ўртасидаги реванш жанги бўлиб ўтади.

Иштирокчилар ва уларнинг ўринбосарлари аллақачон Лас-Вегасда тиббий кўрикдан ва CОVID-19 учун тестдан ўтмоқда.

Жулианна Пенья ва Аманда Нуньес 2021 йил 11 декабрь куни UFC 269 мусобақасида ярим ўрта вазн тоифасидаги чемпионлик учун жанг ўтказишди. Ўшанда Пенья бўғиш услубида ғалаба қозониб, ярим ўрта вазн тоифасида янги чемпион бўлганди.

Тhe Ultimate Fighter - Американинг аралаш яккакураш реалити-шоуси.  У 2005 йилнинг январидан бери UFC шаъфелигида фаолият олиб боради.