25 окт 16:36
Янгиликлар

Дзюдо

Камолиддин Расулов ўз ҳисобига қимматли 260 рейтинг очкосини ёзиб қўйди

“Катта Дубулға” туркумига кирувчи Абу-Даби турнирининг иккинчи кунги баҳсларининг кундузги дастури якунланди.

-81 кг вазн тоифасида юртимиз шарафини ҳимоя қилган Камолиддин Расулов бронза медали учун кечган ўтиш беллашувида германиялик Доминик Ресселга ютқазиб қўйди. Рессел 2017 йилги Европа чемпионатининг кумуш медали совриндори ҳисобланарди.

Камолиддин Расулов Абу-Даби турнирида 7-ўринни эгаллади ва ўз ҳисобига қимматли 260 рейтинг очкосини ёзиб қўйди. Ҳамюртимиз биринчи даврада анча тажрибали рақиб, бельгиялик Сами Шуши, иккинчи босқичда канадалик Этьен Брайнд, нимчорак финалда франциялик Алфа Жало Оумардан устун келганди.