Каратэчилар Нишонда пул мукофоти билан тақдирланишди

Нишон туманидаги болалар-ўсмирлар спорт мактабида маҳалла ёшлари ўртасида каратэнинг WKF тури бўйича туман ҳокими кубоги мусобақаси бўлиб ўтди.

Мусобақада маҳаллалардан жами 110 нафар спортчи ёшлар иштирок этишди. Ғолиб ва совриндорлари ташкилотчилар томонидан таъсис этилган диплом ва эсдалик совғалари, жумладан, 1-ўрин соҳиби 200 000 сўм, 2-ўринга 100 000 сўм, 3-ўринга 50 000 сўм пул мукофоти билан тақдирландилар.

Шуни таъкидлаш керакки, вилоятнинг шаҳар ва туманларида уч кун давом этган мусобақалар минглаб ёшларни ўз атрофига бирлаштирди, юзлаб ўғил-қизларнинг спортга бўлган иштиёқини янада оширди.