01 сен 15:11
Янгиликлар
Теннис
Карлос Алькарас — 13 "Катта Дубулға" турнирлари 1/4 финалига чиққан энг ёш теннисчи!
Дунёнинг иккинчи ракеткаси Карлос Алькарас АҚШ Очиқ чемпионатининг 1/4 финалига чиқиш баробарида ўзига хос рекордни ҳам ўрнатди.
Испаниялик Очиқ эрада 13 маротаба "Катта Дубулға" турнирларининг 1/4 финалига етиб келган дунёнинг энг ёш теннисчисига айланди. У бу натижага 22 ёшу 111 кунлигида эришди. Карлос бу борада Борис Беккер (22 ёшу 284 кун)га тегишли рекордни янгилади.
Алькарас US Open тўртинчи даврасида ATP рейтингида 82-поғонада бораётган франциялик Артур Риндеркнешни 7:6 (7:3), 6:3, 6:4 ҳисобида мағлубиятга учратди. Энди у 1/2 финал чиптаси учун дунёнинг 21-ракеткаси бўлиб турган чехиялик Иржи Лехечкага қарши кортга чиқади.
Ҳавола :
Манба : championat.com
Фикрлар