18 апр 17:10
Янгиликлар

Теннис

Карлос Алькарас кетма-кет иккинчи йил ҳам Мадрид "Мастерс"ни ўтказиб юборади

Дунёнинг иккинчи ракеткаси испаниялик теннисчи Карлос Алькарас Мадриддаги "Мастерс" турнирида иштирок этмайдиган бўлди.

"Бу хабарни эълон қилиш жуда қийин. Мадрид - менинг уйим, йиллик тақвимимдаги алоҳида жойлардан бири. Шу боислан ҳам кетма-кет иккинчи йил бу ерда чиқиш қилиш имкониятини йўқотиш мен учун жуда оғриқли. Айниқса, кўп нарсани англатадиган турнирда мухлисларим олдида иштирок этмаслик мен учун жуда оғир. Ҳар доимгидек меҳрингиз учун раҳмат, тез орада кўришамиз деган умиддаман", - деб ёзди "Катта Дубулға" турнирларининг етти карра ғолиби ижтимоий тармоқдаги саҳифасида.

Мадрид "Мастерс" турнири 22 апрелдан 3 майгача бўлиб ўтади. Аввалроқ Алькарас билагидан олган жароҳати туфайли Барселонадаги ATP 500 тоифасига кирувчи турнирда ҳам қатнаша олмаганди.