Карлос Алькарас US Open турнирининг илк 1/2 финалчиси

Испаниялик теннисчи 1/4 финалда ATP рейтингида 21-поғонада бораётган чехиялик Иржи Лехечкани ортиқча қийинчиликсиз мағлубиятга учратди - 6/4, 6/2, 6/4. Теннисчиларнинг ўзаро учрашувлари ҳисобида Карлос олдинда бормоқда - 3:1. 

Икки дақиқаси кам икки соат давом этган баҳсда Алькарас 5, Лехечка 4 та эйс зарбасини амалга оширган. Брейклар бўйича мутлақ устунлик ҳам ғолиб теннисчи томонида бўлди. Карлоснинг 1/2 финалдаги рақиби Новак Жокович ва Тейлор Фриц ўртасидаги учрашувдан сўнг маълум бўлади.