Карлос Алькараз илк бор Уимблдон 1/4 финалига чиқди

Мусобақанинг 1/8 финал баҳсларининг бирида сайёрамизнинг биринчи ракеткаси испаниялик Карлос Алькараз ҳамда жаҳоннинг 38-ракеткаси, италиялик Маттео Берреттини ўзаро тўқнаш келди. 

Икки соату 53 дақиқа давом этган учрашувда Алькараз рақибини 3/6, 6/3, 6/3, 6/3 ҳисобларида мағлуб этиб, 1/4 финалга йўл олди. Испаниялик теннисчи ушбу ғалабаси орқали ўзаро учрашувлардаги устунликни мустаҳкамлади - 3:1. 

Алькараз фаолиятида илк бор Уимблдон чорак финалига чиқди. Умумий олганда, у бешинчи марта "Катта Дубулға" турнирининг 1/4 финал иштирокчисига айланди. Ушбу босқичдаги унинг рақиби даниялик Хольгер Руне бўлади.