14 апр 10:30
Янгиликлар

Теннис

Карлос Алькараз Монте-Карло "Мастерс" чемпиони!

Дунёнинг учинчи ракеткаси Карлос Алькараз "Мастерс" турнирларидаги олтинчи совринини қўлга киритди.

Испаниялик теннисчи ҳал қилувчи финал учрашувида ATP рейтингида 16-поғонада борган италиялик Лоренцо Музеттини 3/6, 6/1, 6/0 ҳисобида мағлубиятга учратди. Карлос теннисчиларнинг ўзаро учрашувларида катта фарқ билан олдинга чиқиб олди - 5:1.

Бир соату 46 дақиқа давом этган баҳсда иккала теннисчи ҳам 3 тадан эйс зарбасини амалга оширган. Брейклар бўйича устунлик табиийки, ғолиб теннисчи томонида бўлди - 6 га 2! Испаниялик 21 ёшли теннисчи фаолиятидаги олтинчи "Мастерс", ўн саккизинчи ATP турнирларидаги чемпионлик совринини қўлга киритди.