Карлсен Бильбаодаёқ Карякинни “синдириб” қўймоқда

Ушбу нуфузли мусобақада дунёнинг 6 нафар энг кучли гроссмейстерлари – амалдаги жаҳон чемпиони Магнус Карлсен (Норвегия, 2855), шунингдек, Хикару Накамура (АҚШ, 2787), Аниш Гири (Голландия, 2785), Сергей Карякин (Россия, 2773), Уэсли Со (АҚШ, 2770) ва Вэй И (Хитой, 2696) ўзаро баҳс юритмоқда.

Айлана тизимдаги икки даврали “Мастерс” мусобақасининг кеча 6-тур учрашувлари ўтказилди. Қора доналарда ҳаракат қилган Карлсен асосий таъқибчиси америкалик Хикару Накамура билан дуранг қайд этди.

6-ТУР НАТИЖАЛАРИ:

Вэй И – Гири 1-0, Накамура – Карлсен ҳамда Со – Карякин партиялари дуранг билан якунланди.

Турнир жадвали: 1. Карлсен – 11; 2. Накамура – 8; 3. Вэй И – 7; 4-6. Карякин, Гири, Со –5.

23 июль куни якунига етадиган турнирнинг энг эътиборли жиҳатларидан бири унда амалдаги жаҳон чемпиони Магнус Карлсен ва расман тож даъвогари Сергей Карякиннинг иштирок этаётганидир. Улар ўртасидаги чемпионлик учун бахс шу йилнинг ноябрь ойида АҚШнинг Нью-Йорк шаҳрида ташкил этилади.