13 ноя 17:45
Янгиликлар
Шахмат
Карлсен - Карякин. Жаҳон тожи учун баҳсда яна дуранг
АҚШнинг Нью-Йорк шаҳрида шахмат бўйича жаҳон тожи учун соврин жамғармаси 1 млн долларни ташкил қилувчи матч давом этмоқда.
Бизнинг вақт билан бугун тонг саҳарда амалдаги жаҳон чемпиони норвегиялик Магнус Карлсен ҳамда даъвогар россиялик Сергей Карякин ўртасидаги иккинчи тур учрашуви бўлиб ўтди.
Биринчи ўйинда бўлгани каби бу турда ҳам томонлар муросага келишди. Шахматчилар 31-юришдан сўнг дурангга имзо чекишди.
Эслатиб ўтамиз, гроссмейстерлар ўзаро 12та партияда дона суришади. Агар якунда дуранг натижа қайд этилса, 30 ноябрь куни ҳал қилувчи тай-брейк учрашуви ўтказилади.
ЖАҲОН ЧЕМПИОНЛИГИ УЧУН МАТЧ
Нью-Йорк, АҚШ. 2-партия
Магнус Карлсен (Норвегия) – Сергей Карякин (Россия) – 0,5:0,5
Ҳавола :
Фикрлар