21 ноя 07:18
Янгиликлар
Шахмат
Карлсен - Карякин. Жаҳон тожи учун еттинчи баҳсда ҳам дуранг
АҚШнинг Нью-Йорк шаҳрида шахмат бўйича жаҳон тожи учун соврин жамғармаси 1 млн долларни ташкил қилувчи матч давом этмоқда.
Бизнинг вақт билан бугун тонг саҳарда амалдаги жаҳон чемпиони норвегиялик Магнус Карлсен ҳамда даъвогар россиялик Сергей Карякин ўртасидаги еттинчи тур учрашуви бўлиб ўтди.
Дастлабки олтита ўйинда бўлгани каби бу турда ҳам томонлар муросага келишди. Бу сафар Карякин оқ доналарда ҳаракат қилди. Гроссмейстерлар икки соатдан ошиқ давом этган партиянинг 33-юришидан сўнг дурангга рози бўлишди.
Маълумот учун, гроссмейстерлар ўзаро 12та партияда дона суришади. Агар якунда дуранг натижа қайд этилса, 30 ноябрь куни ҳал қилувчи тай-брейк учрашуви ўтказилади.
ЖАҲОН ЧЕМПИОНЛИГИ УЧУН МАТЧ
Нью-Йорк, АҚШ. 7-партия
Сергей Карякин (Россия) – Магнус Карлсен (Норвегия) – 0,5:0,5
Умумий ҳисоб – 3,5:3,5
Ҳавола :
Фикрлар