19 май 22:36
Янгиликлар

Теннис

Каролина Плишкова Римда тенгсиз бўлди

Дунёнинг еттинчи рақамли теннис маликаси Каролина Плишкова Италиянинг Рим шаҳрида якунланган “Премьер” тоифасига кирувчи турнир ғолибасига айланди.

Чехиялик теннисчи ҳал қилувчи финал учрашувида WTA рейтингида 42-ўринни эгаллаб турган британиялик Йоханна Контага қарши кортга чиқди. Каролина 1 соату 25 дақиқа давом этган баҳсда 6:3, 6:4 ҳисобида зафар қучди.

Икки теннисчининг ўзаро учрашувларидаги ҳисоб янада йириклашди - 6:1! Чехиялик теннисчи мавсумдаги иккинчи, фаолиятидаги 13-совринни қўлга киритди. Internazionali BNL d'Italia турниридаги муваффақиятли иштирок эса Плишковага 523 858 евро ҳамда 900 рейтинг очкосини тақдим этди.