Катта лейтенант Тасмурадов, лейтенант Жалолов, Батуров, Аҳмадалиев... Спортчиларимизга ҳарбий унвонлар топширилди + ФОТО

Кеча Ўзбекистон Республикаси Миллий гвардияси қўмондонлиги томонидан жаҳон чемпионатида муносиб иштирок этиб, Ўзбекистон терма жамоасининг умумжамоа ҳисобида ғолибликни қўлга киритишида ўзининг беқиёс ҳиссасини қўшган боксчилар Ўзбекистон Республикаси Миллий гвардияси ҳарбий хизматчилари Баҳодир Жалолов ва Бобо-Усмон Батуровлар, шунингдек профессионал рингда фаолият олиб бораётган Муроджон Ахмадалиевларга навбатдаги ҳарбий унвон ҳамда эсдалик совғалари топширилди.

Бир неча кун аввал жаҳон чемпионатида Олимпия ўйинлари лицензиясини қўлга киритган юнон-рум курашчимиз Елмурат Тасмурадовга эса катта лейтенант унвони берилди.

Шунингдек, боксчиларни тайёрлашда жонбозлик кўрсатиб келаётган мураббий Миллий гвардия Ихтисослаштирилган ўқув маркази катта ўқитувчиси Элшод Расулов ҳам Миллий гвардия қўмондонининг эсдалик совғалари билан тақдирланди.

Суратлар - Миллий Гвардия матбуот хизмати