Кэти Бултер Сан-Диего турнири чемпиони

Финалга қадар дунёнинг 49-ракеткаси бўлиб келган Кэти Бултер ушбу мусобақа бош совринини қўлга киритди. Британиялик теннис маликаси ҳал қилувчи финал учрашувида WTA рейтингида 34-поғонада борган украиналик Марта Костюкни мағлуб этди - 5/7, 6/2, 6/2.

Бу теннис маликаларининг ўзаро ўтказган илк учрашуви эди. Иккала теннисчи ҳам янгиланган WTA рейтингида кўтарилишга эришди. Икки соату 14 дақиқа давом этган баҳсда Бултер 2, Костюк 1 та эйс зарбасини амалга оширган. Сан-Диегодаги муваффақиятли иштирок Бултерга 500 рейтинг очкоси ҳамда 142,000 АҚШ доллари миқдоридаги мукофот пулини тақдим этди.