Клублар ўртасидаги Жаҳон чемпионати. Бугун финал

Унда Европа чемпиони Мадриднинг “Реал” клуби Япония чемпиони “Кашима Антлерс”га қарши майдонга тушади. Баҳс Йокогама шаҳридаги “Йокогама” стадионида бўлиб ўтади.

ФИНАЛ

“Реал Мадрид” (Испания) – “Кашима Антлерс” (Япония)

18 декабрь 2016. Йокогама. “Йокогама Интернейшнл” стадиони. 15:30 (Тошкент вақти)

Ҳакамлар: Жанни Сиказве (Замбия), Марва Ранге (Кения), Жерсон Дос Сантос (Ангола), Виктор Кашшаи (Венгрия)

3-ўрин учун ўйин

“Америка” (Мексика) – “Атлетико Насиональ” (Колумбия)

18 декабрь 2016. Йокогама. “Йокогама Интернейшнл” стадиони. 12:00 (Тошкент вақти)

Ҳакамлар: Наваф Шукрулла (Баҳрайн), Ёсир Тулефат (Баҳрайн), Толиб Ал Марри (Қатар), Абдулқодир Зитуни (Франция Полинезияси)

“Реал” бош мураббийи Зинедин Зидан:

- Бу мусобақа биз учун жуда муҳим. Японияга ғолиб бўлиш учун келдик, энг яхши ўйинимизни кўрсатишга уринаяпмиз. Ўйин қийин бўлади, “Кашима” бизга муаммолар яратади, бунга тайёрмиз. Балки, биринчи ўйинни узоқ парвоздан сўнг чарчоқ, иқлимга мослашиш ва майдонга кўникиш туфайли яхши ўтказмагандирмиз. “Америка”га қарши ярим финал баҳсда кўп куч йўқотдик, аммо финалга тайёрмиз.

“Реал” сардори Серхио Рамос:

- Ҳар сафар соврин ютиш имконияти туғилганида янги нарсага тўқнаш келасан. Кўплаб ғалабаларга қарамай ҳар йили барчасини янгитдан бошлайман. Мен - сардорман, ғалаба қозонсак совринни бошим узра кўтараман. Бундан фахрланаман. Кўплаб совринларни кўтаришни орзу қиламан. Финалда ғолиб бўлиб чемпион бўлишни истайман.